GUREAN GAUR|2018/05/07 19:15

Euskal Herriaren estatus politikoaz hitza hartzeko aukera izan dute milaka herritarrek Araba, Bizkaia eta Nafarroako 22 udalerritan. Herri galdeketen azken olatuan, 13.667 lagun mobilizatu dira, orain arte egindakoetan, guztira, 189.000 Euskal Herri osoan.

GUREAN GAUR|2018/05/02 19:19

ETAk bere zikloaren berri emanez gutun bat bidali die instituzio eta ordezkari politikoei. Eskutitzean, erakundeak amaitutzat eman du 2010ean hasitako prozesua. Hori bai, nabarmendu du gatazka ez zela ETAren sorrerarekin hasi, eta ez dela ETA desegitean amaituko.

GUREAN GAUR|2018/04/30 18:19

Hiroshimako bonbardaketatik bizirik atera zen Ginkgo Biloba zuhaitz baten kimua landatu dute asteburuan Gernikan, bonbardaketaren 81. urtemugaren harira egindako ekitaldi batean.

GUREAN GAUR|2018/04/30 18:16

ETA erakundea borroka armatua baliatu duen mugimendu politikoa da Patxi Zabaletaren hitzetan, eta estatuek zein beste eragile politikoek inoiz ez dute borondaterik izan jarduera armatua eteteko.

GUREAN GAUR|2018/04/30 18:12

Nafarroaren Eguna ospatu dute asteburuan Baigorrin, Basaizea elkartearen 40. urtemugan. 

GUREAN GAUR|2018/04/30 18:06

"Ez da abusua, bortxaketa izan da". Hori izan da larunbatean Iruñean bildutako 35.000 manifestariek gehien errepikatutako leloa. 

GUREAN GAUR|2018/04/30 18:03

Maiatzaren 4ko ETAren desegitearen aurrean, Patxi Zabaleta politikariaren iritzia jaso dugu Hamaika telebistan. 

GUREAN GAUR|2018/04/27 17:53

Larunbaterako, manifestazio nazionala deitu du mugimendu feministak, Iruñean. 12:30ean hasiko da Justizia Jauregiaren paretik eta 2016ko sanferminetkao taldeko bortxaketaren epaia salatuko dute. Gaur ere, ehunka lagunek bat egin dute Nafarroako auzitegiaren aurrean.

GUREAN GAUR|2018/04/26 19:32

Bederatzi urteko espetxe-zigorra jarri diete 2016ko taldeko bortxaketako bost akusatuei. Sexu-abusu delituagatik zigortu dituzte eta ez sexu-eraso delituagatik. Berehalako erantzunak sorrarazi ditu ebazpenak, mugimendu feminista horren aurka azaldu da eta istiluak ere sortu dira Nafarroako Auzitegiaren aurrealdean.

GUREAN GAUR|2018/04/25 19:10

ETAk armaz betetako bi kutxa utzi ditu Frantziako agintarien esku Baionan, Baionako prokuradoreak baieztadu duenez, eta Frantziako Polizia kutxa horien edukia aztertzen ari da orain. Lokalizatu gabe zegoen materiala izango litzateke, iazko apirilaren 8ko armagabetze egunaren ondoren topatutakoa.

Orria 87/ 116